Chriesi

Chumm mir wänd go Chrieseli günne, weiss ame Ort gar grüseli vill..... *träller*

Hüt simer bim Gotti vo dä Annika und mit ihre zäme go dä Chriesi-Baum plündere. Mmmmhhh, 4,4 Kilo feini Chriesi sind so zäme cho und warted ufs Verarbeite morn. - Ich mues nämli zerscht en Entsteiner chaufe... ;-)

Als Belohnig simer nachär no mitenand id Badi - das isch bi dä hütige
30°C e schöni Abchüelig gsi.

Übrigens sind di nöie Schoner für d'Rahel aacho. Si gönd ihre tatsächlich und sie hät si au scho teschtet. :-)