Samstag, 14. November 2009

Räbeliechtli trallala, Räbeliechtli hoppsassa.....

Genau so häts bei öis tönt (und usgseh) am Mittwuch Zabig. D'Rahel hät s'erscht Mal am Umzug törfe mitlaufe. Und jetz werded Tag ii Tag us die Liedli gsunge.... Au d'Annika chas scho rächt guet!

Dänn hani geschter no es Chärtli gmacht. Mit em Vogel bini nöd ganz zfriede (bin ja au nöd us em Stämpfel-Egge ;-) ), aber suscht find is ganz ok. Dä Stämpfel isch en Teil vo minere Usbüti vom Megacrop. :-)

Und z'letscht na zu der Uflösig vom Rätsel:
Manuela, häsch rächt gha mit dä Chuchimaschine - es isch dä Food-Processor zu minere nöie Kenw..d. E Städereis wär au nöd schlächt, mues aber nochli warte. Mer händ die Wuche no es anders Projäkt chöne abschlüsse, bzw. aafange. Details morn oder so.... ;-)

Ich wünsche öi scho jetzt en ganz schöne Sunntig!

2 Kommentare: