Montag, 26. Juli 2010

Gartebilder - Trübeli

Ich han versproche, es paar Gartebilder z'zeige...

Da han ich e fertige Collage gfunde, wo dä Wäg in Blog gar nie gfunde hät. D'Gschicht dezue gaht eso: im Früelig han ich min Nachber gfröget, öb er sini Trübeli no müesi schnide, ich hetti gärn es Äschtli zum bewurzle. Er hät dänn gmeint, das heg er leider scho im Härbscht gmacht. Echli spöter isch er wieder cho mit eme Äschtli - das seg bim Komposcht zue gläge und es triibi scho us, öb ichs well - und hät mers eifach irgendwo iegsteckt. Ja, es gfallt em guet bi öis und underdesse hani sogar scho 4 schwarzi Trübeli chöne ässe. Cool, oder?

So, jetz rüeft aber dä Hushalt wieder! Bis spöter wieder emal...

1 Kommentar:

  1. hej so genial, solche pflanzen liegen mir jeweils mehr am Herzen, als gekaufte... das gäbe doch ein wunderbares Layout mit journaling

    Liebi Grüess, Esti

    AntwortenLöschen