Schoggi-Cosmea

Ich ha mi ja scho sooo lang nöme gmäldet - aber Nei au! Es isch au imer vill gloffe und mir händ d'Ferie no gnosse!

Hüt gits Föteli vomene liebe Gschänk mit Gschicht dehinder. Mini Schwöschter hät verzellt, dass si bim Gärtner Salatsetzling kauft hät und dänn nach däre Schoggi-Cosmea gfröget hät. De Gärtner hät dänn gmeint, dass er ihre die nöme guet chöng verchaufe, es seg ja Sumerflor. Si hät aber nöd lugg lah und hät eini wele chaufe. Das hät mir zimli Iidruck gmacht und ich bi grad echli nidisch worde - so han ich ebe es paar Tag spöter (bim Feriechind zruggbringe) au no eini übercho. Ville Dank mis liebe Schwöschterli!